Click it and Unblock the Notifications
സെക്സിനെക്കുറിച്ച് നിങ്ങള്‍ക്ക് വേണ്ടതും വേണ്ടാത്തതും നിങ്ങളുടെ പങ്കാളി അറിഞ്ഞിരിക്കേണ്ടത് അത്യാവശ്യമാണ്. സെക്സിലെത്തുന്നതിനു മുമ്പു തന്നെ ഇക്കാര്യങ്ങള്‍ വ്യക്തമായി പരസ്പരം അറിഞ്ഞിരിക്കണം.
പറയുന്നതു പോലെ എളുപ്പമല്ല ഇത്. ആകസ്മികമായി സംഭവിക്കേണ്ടതാണ് സെക്സ് എന്ന ധാരണ വെച്ചു പുലര്‍ത്തുന്നുവെങ്കില്‍ പ്രത്യേകിച്ചും.
സത്യത്തില്‍ ഇക്കാര്യങ്ങളെക്കുറിച്ച് വളരെ വ്യക്തമായ ധാരണ ബന്ധത്തിലുണ്ടാകേണ്ടത് അത്യാവശ്യമാണ്. പങ്കാളിക്ക് ഒരിക്കലും നിങ്ങളുടെ മനസ് വായിക്കാന്‍ കഴിയില്ല. ഇഷ്ടങ്ങളും അനിഷ്ടങ്ങളും തുറന്നു പറയുകയും അത് ആദരിക്കപ്പെടുന്നുവെന്നും പരിഗണിക്കപ്പെടുന്നുവെന്നും ഉറപ്പു വരുത്തേണ്ടത് അത്യാവശ്യമാണ്.
അതു ചെയ്യാന്‍ നിങ്ങള്‍ തയ്യാറാണോ എന്നതാണ് ചോദ്യം.
ഇത്തരം കാര്യങ്ങളെക്കുറിച്ച്, അതായത് സുരക്ഷിതമായ സെക്സിനെക്കുറിച്ചും ജനനനിയന്ത്രണമാര്‍ഗങ്ങളെക്കുറിച്ചുമൊക്കെ പങ്കാളിയുമായി സംസാരിക്കുന്നതില്‍ നിങ്ങള്‍ക്ക് സങ്കോചമുണ്ടോ?
ഏതെങ്കിലും ലഹരി ഉപയോഗിച്ചിരുന്നെങ്കില്‍ ഈ വിഷയങ്ങള്‍ കുറേക്കൂടി ആയാസരഹിതമായി സംസാരിക്കാമെന്ന തോന്നല്‍ നിങ്ങള്‍ക്കുണ്ടോ?
അരുത് എന്ന് പങ്കാളിയോട് എപ്പോള്‍ എങ്ങനെ പറയുമെന്ന കാര്യത്തില്‍ നിങ്ങള്‍ക്ക് അജ്ഞതയുണ്ടോ?
അരുത് എന്ന് പറഞ്ഞാല്‍ പങ്കാളി വിഷമിക്കുമെന്ന ഭീതി നിങ്ങള്‍ക്കുണ്ടോ?
ഏതു തരത്തിലുളള ലൈംഗിക ബന്ധമാണ് താന്‍ ഇഷ്ടപ്പെടുന്നത് എന്ന കാര്യം തുറന്നു പറഞ്ഞാല്‍ പങ്കാളി എന്തുകരുതുമെന്ന ഭീതി നിങ്ങള്‍ക്കുണ്ടോ?
ലൈംഗികബന്ധത്തില്‍ എന്ത് ഇഷ്ടപ്പെടുന്നുവെന്നും എന്ത് ഇഷ്ടപ്പെടുന്നില്ലെന്നും പങ്കാളിയോട് തുറന്നു പറയാന്‍ നിങ്ങള്‍ക്ക് ഭയമുണ്ടോ?
ഇത്തരം കാര്യങ്ങള്‍ പങ്കാളിയുമായി തുറന്നു ചര്‍ച്ച ചെയ്യുന്നതില്‍ വൈമുഖ്യം നേരിടുന്നുവെങ്കില്‍ ആദ്യ സെക്സിന് ഇനിയും കാത്തിരിക്കണം.
ഗര്‍ഭം, ലൈംഗികമായി സംക്രമിക്കുന്ന രോഗങ്ങള്‍ എന്നിവയെക്കുറിച്ചൊന്നും പരസ്പരം സംസാരിക്കാവുന്ന അടുപ്പമില്ലെങ്കില്‍ ലൈംഗികബന്ധത്തിന് സമയമായിട്ടില്ല. ഏത് തരം സെക്സില്‍ ഏര്‍പ്പെടുംമുമ്പ് വരുംവരായ്കകളെക്കുറിച്ച് തുറന്നു സംസാരിക്കാനുളള അടുപ്പം പങ്കാളിയുമായി ഉണ്ടാക്കിയിരിക്കണം. എല്ലാം സംഭവിച്ചു കഴിഞ്ഞിട്ട് പിന്നെ തുറന്നു പറച്ചിലുകള്‍ക്കൊന്നും വലിയ കാര്യമില്ലെന്നും തിരിച്ചറിയണം.
ആകസ്മികമായി ലൈംഗിക ബന്ധത്തിലേര്‍പ്പെടാനിടയായാല്‍ പോലും ഏതേത് മുന്‍കരുതലുകളെടുക്കണം എന്ന കാര്യത്തെക്കുറിച്ചു പോലും മുന്‍ധാരണയുണ്ടാകുന്നത് നല്ലതാണ്.
ശാരീരികമായ പ്രതിസന്ധികള്‍
ബന്ധം അര്‍ത്ഥപൂര്‍ണവും ആഴമേറിയതുമാക്കുന്നതില്‍ സെക്സിന് പരമപ്രാധാന്യമുണ്ട്. എന്നാല്‍ ശാരീരികമായ രണ്ട് പ്രതിബന്ധങ്ങളും സെക്സ് സൃഷ്ടിക്കും. ലൈംഗിക രോഗങ്ങളും അപ്രതീക്ഷിതമായ ഗര്‍ഭവും. ഈ വിഷയവും കമിതാക്കള്‍ ശ്രദ്ധിച്ചിരിക്കേണ്ടതു തന്നെ.
താഴെ ചൂണ്ടിക്കാണിച്ചിരിക്കുന്നവ നിങ്ങളെ ഉദ്ദേശിച്ചാണോ എന്ന് നോക്കൂ...
1. സുരക്ഷിതമായ സെക്സിനെക്കുറിച്ച് എനിക്ക് ധാരണയുളളതിനാല്‍ രോഗബാധയെക്കുറിച്ച് ഭീതിയില്ല.
2.എന്റെ കൈവശം ഗര്‍ഭനിരോധന മാര്‍ഗങ്ങള്‍ ഉണ്ട്. അവ ഉപയോഗിക്കുന്നതെങ്ങനെയെന്നും എനിക്കറിയാം.
3.ഗര്‍ഭമുണ്ടാകാതിരിക്കാന്‍ എന്തുവേണമെന്ന് എനിക്കറിയാം.
4. സന്താനനിയന്ത്രണോപാധികളെക്കുറിച്ച് എനിക്ക് ധാരണയുണ്ട്. അവ എങ്ങനെ ഉപയോഗിക്കണമെന്നും.
5. അണുബാധയോ അനവസരത്തിലുളള ഗര്‍ഭമോ ഉണ്ടായാല്‍ എന്തു ചെയ്യണമെന്ന് എനിക്കറിയാം.
6. അപ്രതീക്ഷിതമായി ഗര്‍ഭം ധരിച്ചാല്‍ പങ്കാളി അത് എങ്ങനെ ഉള്‍ക്കൊളളുമെന്ന് എനിക്കറിയാം.
7. വരുംവരായ്കകളെക്കുറിച്ചോര്‍ക്കാതെ ലൈംഗികബന്ധം പുലര്‍ത്തിയാല്‍, ലൈംഗിക രോഗബാധയുണ്ടോ എന്ന് പരിശോധിക്കാന്‍ മടിയില്ല.
8. ഇത്തരം പ്രശ്നങ്ങളെക്കുറിച്ച് പങ്കാളിയുമായി തുറന്ന ചര്‍ച്ച നടത്തിയിട്ടുണ്ട്.
സ്വയം പ്രതിരോധിക്കാന്‍ അറിയുമെങ്കില്‍ മാത്രമേ വിവാഹപൂര്‍വ രതിയ്ക്ക് മുതിരാവൂ എന്ന് വ്യക്തമല്ലേ. ശാരീരികമായി ഉണ്ടാകാനിടയുളള പ്രശ്നങ്ങളെ നേരിടാനുളള കരുത്തും വേണമെന്നര്‍ത്ഥം.
ജനന നിയന്ത്രണത്തിനും അണുബാധ തടയുന്നതിനും ഏറ്റവും സുരക്ഷിതമായ മാര്‍ഗം കോണ്ടം ഉപയോഗിക്കുന്നതാണെന്നും അറിഞ്ഞിരിക്കണം. ഗര്‍ഭനിരോധന ഉറകളൊന്നും ഉപയോഗിക്കാതെയുളള സെക്സിനാണ് പങ്കാളി ആഗ്രഹിക്കുന്നതെങ്കില്‍ അപകട സൂചന മണത്ത് പിന്മാറുക.
ആരോഗ്യകരവും ചുമതലാബോധവുമുളള ബന്ധത്തിന് സെക്സ് അവശ്യഘടകമാണ്. എന്നാല്‍ സെക്സ് കൂടിയേ തീരൂ എന്ന് നിര്‍ബന്ധവുമില്ല. താന്‍ സെക്സിന് സന്നദ്ധയാണോ എന്ന ചോദ്യത്തിന് ഉത്തരം പറയേണ്ടത് ഓരോരുത്തരുമാണ്. സമയമെടുത്ത് മേല്‍പറഞ്ഞ കാര്യങ്ങള്‍ ശാന്തമായ മനസോടെ ആലോചിച്ചു
