•  

ഷോപ്പിങ്! പുരുഷന്മാര്‍ സൂക്ഷിയ്ക്കുക

Man
 
ഷോപ്പിങ് പുരുഷന്മാര്‍ക്ക് ഹാനികരമാണെന്ന് പുതിയ കണ്ടെത്തല്‍, പുരുഷന്മാരിലെ പ്രത്യുല്‍പാദന ശേഷിയെ ഇത് പ്രതികൂലമായി ബാധിക്കുമെന്നാണ് ഗവേഷകര്‍ പറയുന്നത്.

ചില കാഷ് റസീപ്റ്റുകളില്‍ അടങ്ങിയിരക്കുന്ന ബിസ്‌ഫെനോള്‍ എ(പിബിഎ)എന്ന മാരകമായ രാസവസ്തുവാണ് പുരുഷ ഹോര്‍മ്മോണിന്റെ പ്രവര്‍ത്തനങ്ങളെ ബാധിച്ച് പ്രത്യുല്‍പാദനശേഷി കുറയ്ക്കുന്നത്.

ഷോപ്പിങിനിടയില്‍ ഇത്തരം ബില്ലുകള്‍ കൈവശം സൂക്ഷിക്കേണ്ടിവരുക സ്വാഭാവികമാണ്. കാഷ് ബില്‍ കൈകൊണ്ടുതൊടുമ്പോള്‍ ഈ രാസവസ്തു കയ്യില്‍ പുരളുന്നു, പിന്നീട് അവ ഭക്ഷണം വഴിയും മറ്റുമായി ശരീരത്തിന് അകത്ത് കടക്കുന്നു.

പുരുഷന്മാരിലെ ലൈംഗികഹോര്‍മോണിന്റെ പ്രവര്‍ത്തനങ്ങളെയാണ് ഇത് ബാധിയ്ക്കുകയെന്ന് ബര്‍ളിനിലെ പ്രമുഖ യൂറോളജിസ്റ്റ് ഫ്രാങ്ക് സോമ്മര്‍ പറയുന്നു.

ഈ രാസവസ്തുകൂടുതലായി ഉള്ളിലെത്തിയാല്‍ കാലക്രമത്തില്‍ പുരുഷന്മാരില്‍ ലൈംഗികശേഷി കുറയുമെന്നും ഇദ്ദേഹം പറയുന്നു. മാത്രമല്ല കുടവയര്‍ ഉണ്ടാവുകയും പിന്നാലെ ഉദ്ധാരണപ്രശ്‌നങ്ങള്‍ സംഭവിയ്ക്കുകയും ചെയ്യുമെന്നും ഗവേഷകര്‍ പറയുന്നുണ്ട്.

സ്ത്രീകളില്‍ സ്തനാര്‍ബുദം, ഹൃദ്രോഗം, പൊണ്ണത്തടി തുടങ്ങിയ ആരോഗ്യപ്രശ്‌നങ്ങള്‍ക്കും ഈ രാസവസ്തു കാരണമായേയ്ക്കുമെന്നാണ് സമ്മര്‍ പറയുന്നത്.

കാനഡ, അമേരിക്ക എന്നിവിടങ്ങളിലെ ചില സ്റ്റേറ്റുകളില്‍ ഈ രാസവസ്തു ഉപയോഗിക്കുന്നത് നിരോധിച്ചിട്ടുണ്ട്. ടിന്‍ ഫുഡ്, പാനീയങ്ങളുടെ കാനുകള്‍ എന്നിവയില്‍ ഈ രാസവസ്തു ഉപയോഗിക്കുന്നുണ്ട്.

Story first published: Wednesday, June 30, 2010, 16:25 [IST]
Please Wait while comments are loading...

Get Notifications from Malayalam Indiansutras